Lewende Woord Hartebos het begin op 13 Desember 2020 in die Coins Park gebou. Deur die week ‘n dansskool en op ‘n Sondag ‘n kerk met koffie en aanbidding! Ons was 15 besoekers met die eerste diens en vandag kyk ons terug en sien God se hand.

Ons het geantwoord toe God praat, en uitgestap in geloof met die droom in ons hart dat daar ‘n Lewende Woord in elke dorp en stad in die land sal wees.

Ons hart is dat die gemeenskap moet anders lyk omdat ons hier is, die mense moet liefde ken en ‘n plek kan hê waar hulle veilig is.

Ons groei in verhouding met God deur sy woord en gesonde leering en met aanbidding om ons dieper te lei na God se hart.

Kom kuier by ons en beleef wie God is in verhouding.